Кыргыз Республикасынын Министрлер Кабинетинин Төрагаса Акылбек Жапаров менен Россия Федерациясынын Өкмөтүнүн Төрагасы Михаил Мишустиндин телефон аркылуу сүйлөшүүсү болду. Бул тууралуу МинКабдын маалымат кызматы билдирди.
“Сүйлөшүүнүн жүрүшүндө тараптар эки тараптуу кызматташуунун актуалдуу маселелерин, анын ичинде экономикалык, соода жана маданий тармактарды сүйлөштү. Өз ара пайдалуу мамилелерди чыңдоонун жана эки өлкөнүн өнүгүүсүнө салым кошкон биргелешкен долбоорлорду ишке ашыруунун маанилүүлүгү белгиленди”,- деп айтылат маалыматта.
Эки өлкөнүн өкмөт башчылары ошондой эле жакынкы келечекте кызматташууну мындан ары өнүктүрүүгө жана стратегиялык өнөктөштүктү тереңдетүүгө багытталган биргелешкен иш-чараларды жана жолугушууларды өткөрүү пландарын талкуулашты.
Белгилей кетүүчү жагдай, өткөн жумада Ысык-Көлдө Кыргызстан менен Россиянын өкмөттөрүнүн ортосунда экономикалык форум өтүп, өз ара кызматташуу тууралуу келишимдерге кол коюлган.


















