Кыргызстандын атынан Парижге кеткен паралимпиада командасы Бишкекке кайтып келишти. Аларды “Манас” эл аралык аэропортунан Министрлер кабинетинин төрагасынын орун басары Эдил Байсалов тосуп алды. Бул тууралуу МинКабдын маалымат кызматы билдирди.
Э. Байсалов спортчулардын Паралимпиада оюндарына ийгиликтүү катышканын белгилеп, алардын жетишкендиктери менен сыймыктанарын айтты.
“Бүгүн биз паралимпиадачыларды эле эмес, чыныгы баатырларды сыйлап жатабыз. Сиздер кайраттуулуктун, күчтүүлүктүн жана ийилбес эрктин үлгүсүсүздөр. Жашоодо ар кандай тоскоолдуктарга карабай эң чоң бийиктиктерге жетүү мүмкүн экенин көрсөтүп жатасыздар”, — деди минкаб төрагасынын орун басары.
Байсалов машыктыруучуларга, дарыгерлерге жана спортчулардын жакындарына өзгөчө ыраазычылыгын билдирип, паралимпиадачылар Гүлназ Жүзбаевага (жеңил атлетика), Айтунук Жоомарт кызына (триатлон), Маматибраим Сурановго (дзюдо) жана Миргүл Болоталиевага (пауэрлифтинг) ар бирине 500 миң сомдук сертификаттарды тапшырды.
Парижде өтүп жаткан Паралимпиада оюндарында кыргызстандык спортчу Гүлназ Жүзбаева (коштоочусу Юлия Фернас) 1 500 метр аралыкты 6 мүнөт 11,36 секундда чуркап өтүү менен улуттук рекордду жаңыртты.
Ал эми кыргызстандык дагы бир спортчу (көзү азиз) пара жеңил атлетика 1 500 метр аралыкты 6 мүнөт 11,36 секундда багынткан. Ал финалга чыга албаганы менен жаңы улуттук рекорд жаратканын дене тарбия жана спорт агенттиги билдирди.



















