Бириккен Улуттар Уюмунун (БУУ) баш катчысы Антониу Гутерриш президент Шавкат Мирзиёевдин чакыруусу менен Өзбекстанга расмий сапар менен келди. Бул тууралуу премьер-министрдин басма сөз катчысы Бекзод Хидаятов билдирди.
Мейманды Ташкент эл аралык аэропортунан премьер-министр Абдулла Арипов жана башка расмий адамдар тосуп алышты.
Кыска сүйлөшүүдөн кийин БУУнун баш катчысы тышкы иштер министри Бахтиер Саидовдун коштоосунда ал үчүн бөлүнгөн резиденцияга жөнөп кетти.
Ал иш сапарынын алкагында климаттын өзгөрүшүнө каршы күрөшүү боюнча долбоорлор менен таанышып, жергиликтүү активисттер менен баарлашат.
Буга чейин Гутерриш Өзбекстан, Кыргызстан, Казакстан, Тажикстан жана Түркмөнстанга барары айтылган. Ал акыркы жолу аймакка 2017-жылы келген.


















