Жамааттык коопсуздук келиши уюмунун (ЖККУ) баш катчысы Имангали Тасмагамбетов уюмга мүчө-мамлекеттер жакынкы мезгилде туш болушу мүмкүн болгон коркунучтар тууралуу айтты. Бул тууралуу ал «Улуттук коргонуу» журналына берген маегинде билдирген.
«Коркунучтардын спектри тездик менен кеңейүүдө. Эгер биздин маегибизде глобалдык деңгээлдеги көйгөйлөрдү четке чыгарып коё туруп, регионалдык гана маселелерге кайрылу турган болсок, анда биринчи кезекте кен байлыктар үчүн чыр-чатактар чыгышы мүмкүн экендигине күбө болобуз.
Мындан тышкары ресурс катары чек ара аймактарынын бөлүштүрүлүшү да алдыңкы орунга коюлууда – бул чек ара чыр-чатактарына алып келет. Ал эми Борбор Азия аймагында суу ресурстарынын деградацияланып баратышы өзгөчө коңгуроо кагууда. Бул аймактын өкмөттөрүнүн улуттук кызыкчылыктарын көздөгөн татаал көйгөй болуп саналат», – деди Тасмагамбетов.
Баш катчы мындан тышкары маалыматтык коопсуздук көйгөйү да уюмдун көңүл борбордундагы эске ала турган жагдайына кошуларын кошумчалады. Бул чөйрөдөгү жөнгө салуунун жокутугу коомдук аң-сезимди сырткы күчтөр өздөрүнүн геосаясый кызыкчылыгы үчүн масштабдуу манипуляциялоо тобокелчилигин түзөт.
Уюмдун аналитиктери бул коркунучтарды аныкташып, баасын беришти. ЖККУга мүчө-мамлекеттердин өкмөттүк деңгээлдеги тыгыз кызматташтыгы уюм көптөн бери эле бул көйгөйлөрдү чечүүнүн үстүнөн иштеп жаткандыгынын далили деп кошумчалады Тасмагамбетов.
«Мындан тышкары ЖККУнун тажрыйбасы көрсөткөндөй, аталган коркунучтарды чечүүнүн методологиялык жолдорун иштеп чыгууга, ошондой эле көйгөйлөрдү биротоло чечүүнүн альтернативдүү ресурстук базасын иштеп чыгууга мүмкүнчүлүк жаратат», – деп баса белгиледи баш катчы.
Анын айтуусунда, уюм аталган коркунучтарды чечүүнүн реалдуу жолдорун таба алат.
Азыр ЖККУга Армения, Беларусь, Казахстан, Кыргызстан, Россия жана Тажикстан мүчө болуп саналат.



















