Өзбекстанда 2024-жылдын алгачкы эки айында төрөлүүнүн саны өткөн жылдын ушул мезгилине салыштырмалуу 2,6%га азайды.
Өлкөнүн Статистика агенттигинин маалыматы боюнча, 2024-жылдын январь-февраль айларында республиканын Жарандык актыларды каттоо кызматынын (ЗАГС) маалыматы боюнча, 137 459 жаңы төрөлгөн ымыркайлар катталган. Бул көрсөткүч өткөн жылдын ушул мезгилине салыштырмалуу 3631ге (2,6%) азайган.
Экономист Отабек Бакировдун белгилөөсүндө, айрым жагдайлар бул көрүнүш улантыла тургандыгын көрсөтүүдө.
«Биринчиден, катталган никелердин саны экинчи жыл катары менен кыскарууда, ал эми 2023-жылы да андан мурдагы жылга салыштырмалуу никеге тургандардын саны азайган (283,8 миң.). Эң төмөнкү көрсөткүч 2016-жылы (275 миң) катталган.
Экинчиден, жасалма бюрократиялык тоскоолдуктарга карабастан, 2023-жылы ажырашкандардын саны баардык мезгилдердеги максимум деңгээлге – 49,2 миңге жеткен. Бул сан чыныгы абалды көрсөтпөшү, мурдагы жылдардын тоскоолдуктардын азайгандыгынын натыйжасы болушу мүмкүн.
Үчүнчүдөн, эң негизгиси, элдин кирешесинин өсүүсү кескин төмөндөп кетти. 2023-жылы адам башына эсептегенде реалдуу кирешенин өсүүсү пандемия учурун эсептебегенде акыркы жети жылдагы эң төмөнкү деңгээлине – 2,4%га төмөндөгөн. Беш аймакта реалдуу киреше азайган», –деп жазды экономист.
Отабек Бакиров мурдагы жылдары өлкөдөгү төрөлүүнүн кескин жогорулап кетиши элдин кирешесинин өскөндүгү менен байланыштуу болгондугун кошумчалады.
«Төрөлүү динамикасынын узак убакытка созулушу урбанизация, гендердик чакырыктар, миграция, келечекке ишеним сыяктуу көптөгөн факторлордун таасири астында калыптанат», – деп жазды ал.
Өзбекстандагы төрөлүү жыл сайын 2018-жылдан тартып токтоосуз өсүү үстүндө болгон.
