Кыргыз-өзбек чек арасындагы “Кара-Багыш” жана “Бек-Абад” көзөмөл-өткөрүү жайлары кайрадан иштей баштады. КР УКМКсынын Чек ара кызматы кабарлагандай, Кара-Багыш» пункту Ош облусунун Араван районунда жайгашкан. Ал аркылуу Кыргызстандын жана Өзбекстандын жарандары гана транспорт каражатын пайдаланбай, жүксүз, товарсыз жана жаныбарларсыз жөө өтө алышат. Ал эми «Бек-Абад» өткөрүү жайы Жалал-Абад облусунун Сузак районунда жайгашкан.
Бүгүнкү күндө кыргыз-өзбек чек арасында «Маданият», «Баймак», «Достук», «Кызыл-Кыя», «Кадамжай», «Кайтпас», «Ак-Кыя», «Өтүкчү»жана «Чечме» автожол бекеттери иштейт.
Өзбекстан 2010-жылдагы Кыргызстанда болгон саясий окуялар учурунда бардык чек ара пункттарын жапкан. Чектөөлөр 2017-жылдын сентябрында алынган.
