БУУнун Коопсуздук Кеңешин айланып өтүп кабыл алынган санкциялар, анын ичинде Иранга, Россияга же башка өлкөгө каршы кабыл алынган санкциялар мыйзамсыз.
Бул тууралуу Россиянын Тышкы иштер министрлигинин расмий өкүлү Мария Захарова 25-февралда Тегерандагы сапарынын алкагында «Известия» агенттигине билдирди.
Белгилей кетсек, Россиянын тышкы иштер министри Сергей Лавров 25-февралда расмий сапар менен Тегеранга келди. Ирандын баш калаасында ал кесиптеши Аббас Арагчи менен сүйлөшүүлөрдү жүргүзүп, ошондой эле өлкө президенти Масуд Пезешкиан менен жолугушту. Делегациянын катарында Мария Захарова да бар.
«Билесизби, бизде БУУнун Коопсуздук Кеңешин айланып өтүп кабыл алынган бардык санкцияларга бирдей реакция жасалат. Алар легитимдүү эмес, мыйзамсыз, мыйзам чегинен тышкары. Алар Иранга карата, биздин өлкөгө жана башка өлкөлөргө карата кабыл алынат. Реакция ушундай эле, – деди Захарова.
Ал белгилегендей, Москва менен Тегеран бул жагынан бирдиктүү жана бул көз караштын чындыгын тажрыйба далилдеди.
Захарова Россиянын тышкы иштер министри Сергей Лавров менен ирандык кесиптеши Аббас Арагчинин жолугушуусу сыяктуу эки өлкөнүн ортосундагы байланыштар журналисттердин ар дайым чоң кызыгуусун жаратарын, буга Батыш Азиядагы кырдаал да салым кошуп жатканын белгиледи. Анын үстүнө эл аралык күн тартиби күн сайын таң калтырууда.
Россиянын Тышкы иштер министрлигинин расмий өкүлү эки министр сүйлөшүүдө Москва менен Тегерандын ортосунда түзүлгөн келишимдерди талкуулашканын билдирди.















