7-ноябрда АКШнын шайланган президенти Дональд Трамп Орусиянын президенти Владимир Путинге телефон чалып, орус-украин согушун күчөтпөөнү суранган. Бул тууралуу The Washington Post басылмасы жазып чыкты.
Булактардын айтымында, Трамп Путинге Европадагы америкалык аскерлердин “олуттуу болушун” эскерткен. Макалада ошондой эле Трамп Орусия Федерациясынын башчысына Орусия Украинанын оккупацияланган аймактарынын бир бөлүгүн сактап кала турган тынчтык келишимин колдой турганын ачык айтканы айтылат.
Ошол эле учурда Киев Трамптын Путин менен сүйлөшүүсүнө каршы болгон жок, деп баса белгилейт WP.
Эске сала кетсек, 6-ноябрда өткөн президенттик шайлоодо АКШдагы Республикалык партиянын талапкери Дональд Трамп жеңишке жеткен.
Украина Орусиянын агрессиясынан коргонуу үчүн АКШнын жардамына көз каранды. Киев Трамп аскердик жардамды токтотуп, орус президенти Владимир Путинге олуттуу жеңилдиктерди бериши мүмкүн деп кооптонууда, деп билдирет Reuters.
Трамп өзү да буга чейин президент болуп турганда согуштарды токтотуу ниети бар экенин билдирген.
“Мен согуштарды баштабайм, мен аларды токтотом” деген ал Мар-а-Лагодогу өз үйүндө сүйлөп жатып.
Буга чейин дүйнөлүк юасылмалар Байден Украинага акыркы жардам пакетин Трамптын инаугурациясына чейин бөлөрүн жазган.

















