ИИМдин «Унаа» ММ кызматкерлери тарабынан кызматтык милдеттерин абийирсиз аткаруу фактылары аныкталган. Бул тууралуу ИИМдин “Унаа” ММдин Басма сөз кызматы билдирди.
ИИМдин «Унаа» ММ тарабынан калкты тейлөөнүн сапатын жогорулатуу максатында мекеменин аймактык бөлүмдөрүндө коррупциялык тобокелдиктерди аныктоо жана бөгөт коюу боюнча дайыма текшерүүлөр жүргүзүлүп келет.
2022-жылы борбордук аппараттын кызматкерлеринин ичинен түзүлгөн жумушчу комиссия аймактык бөлүмдөрдүн кызматкерлери тарабынан өздөрүнүн кызматтык милдеттерин абийирсиз аткаруу фактыларын аныктаган.
Анын ичинде курсанттарга компьютердик зымсыз манипулятор жана дүрбү аркылуу экзамен тапшырууга жардам берген кызматкердин окуясы «Унаа» мамлекеттик мекемесинин директорунун орун басарынын Жалал-Абад облусуна болгон иш сапарында аныкталган.
Жумушчу топтун текшерүүсүнүн жыйынтыгы менен чогултулган материалдар юридикалык баа берүү үчүн укук коргоо органдарына өткөрүлүп берилди.
