АКШнын президенти Дональд Трамп Украинанын Россия менен болгон жаңжалда жеңишке жетерине ишенбей турганын билдирди.
Ал мындай пикирин Ак үйдө журналисттердин Киев Москва менен болгон жаңжалда жеңишке жетиши мүмкүнбү деген суроосуна жооп берип жатып билдиргенин РИА Новости жазды.
Трамп ошондой эле АКШ куралдуу жаңжалды жөнгө салуу боюнча макулдашууга жетишүүгө аракет кылып жатканын кошумчалаган.
Буга чейин АКШнын лидери Украина Евробиримдиктин колдоосу менен мурдагы чек араларындагы бардык аймагын “согушууга жана кайтарып алууга жөндөмдүү” деп ырастаганын Ddw.com агенттиги жазган.
“Убакыттын өтүшү менен сабырдуулук жана Европанын, өзгөчө НАТОнун каржылык колдоосу менен бул согуш башталган чек араны калыбына келтирүү толук мүмкүн”, – деген Трамп.

















