АКШнын жаңы шайланган президенти Дональд Трамп анын администрациясы украин чатагын токтотууга көңүл бурарын билдирди.
«Биз Орусия жана Украина менен абдан катуу иштешебиз. Муну токтотуу керек. Орусия менен Украина токтошу керек”, – деди Трамп Флоридадагы иш-чарада.
Ал согушта каза болгондорго өкүнүчүн билдирди: “Аскер болобу, шаарларда жашаган адамдар болобу, биз мунун үстүндө иштейбиз”, – деп кошумчалады АКШнын болочок президенти.
Шайлоо өнөктүгү маалында Трамп Украинадагы согушту 24 сааттын ичинде токтоторун бир нече жолу билдирген. «Мен Зеленскийди жакшы билем. Мен Путинди жакшы билем. Бул оңой болот», – деди ал.
Ушул аптада Орусия Федерациясынын Женевадагы БУУ кеңсесиндеги жана башка эл аралык уюмдардагы туруктуу өкүлү Геннадий Гатилов Орусия өзүнүн улуттук кызыкчылыктарынын негизинде АКШ менен кызматташууга ачык жана даяр экенин билдирди. Ошол эле учурда Москвада Дональд Трамп президенттик шайлоодо жеңишке жеткенден кийин Вашингтондун саясаты тууралуу “жакшылыктан үмүт этишпейт”.


















