«Беш миллион долларга ал сеники болушу мүмкүн», – деди Д. Трамп картаны журналисттерге көрсөтүп жатып.
АКШнын президенти Дональд Трамп чет элдик инвесторлор Америка жарандыгын алуу үчүн сатып ала турган “алтын картанын” дизайнын көрсөттү. Анын баасы 5 миллион долларды түзөт, деп маалымдайт маалымат каражаттары.
Картанын өзү кредиттик картадан бир аз чоңураак жана Эркиндик статуясынын фонунда Трамптын портретин камтыйт. Оң жагында «Трамптын картасы» деп жазылып, анын кол тамгасы бар.
АКШ президенти картаны эки жумага жетпеген убакытта сатып алууга болот деп билдирди. «Беш миллион долларга бул сеники болушу мүмкүн»,- деди ал журналисттерге картаны көрсөтүп.
Дональд Трамп февраль айынын аягында жашоого «алтын» уруксаттарды жарыялаган. Анын айтымында, карталарды сатуудан түшкөн акча бюджеттин тартыштыгын жабууга жумшалмак. Жаңы виза алуу үчүн талапкерлер атайын текшерүүдөн өтүшү керек, бирок бул тууралуу ал кандай текшерүү экендиги тууралуу маалымат берилген жок. Бул программа АКШдагы долбоорлорго 1 миллион долларга жакын инвестицияны талап кылган EB-5 визасын алмаштырат.



















