Казакстандын президенти Касым-Жомарт Токаев Астанага расмий сапар менен келген Франциянын президенти Эммануэль Макронго казактын улуттук Асык ату оюнун (чүкө ойноо) көрсөттү.
Франциянын лидеринин Казакстанга расмий сапарына карата казак элинин бай маданий мурасы менен тааныштырган “Этноаул” атайын көргөзмөсү уюштурулган.

Көргөзмө аянтынан мамлекет башчыларын Жаш көрүүчүлөр театрынын жана «Коркыт» этно-фольклордук ансамблинин артисттери тосуп алышты. Президенттер «Жашыл базар» мөмө-жемиш базарын кыдырып, элдик кол өнөрчүлүк, казак көркөм өнөр чеберлеринин эмгектери, ошондой эле ата мекендик дизайнерлер тарабынан иштелип чыккан улуттук кийимдердин коллекциясы менен таанышышты.

Коноктор үчүн “Казак күрөшү” улуттук күрөшү жана “асык ату” оюндары көрсөтүлгөн. Токаев Макронго белгилүү улуттук Асык ату оюнун кантип ойноорун көрсөтүп, саканы кантип туура кармоо экенин көрсөтүп берди. Макрон тизилген чүкөлөрдү атып көрдү.
Токаев Макронго чүкө ойногонду үйрөттү✅Толук маалыматты бул жерден окуңуз:👇👇👇https://kg.eurasiatoday.ru/tokaev-makrongo-ch-k-ojnogondu-jr-tt-video/Видео: Sputnik Казакстан
Опубликовано Евразия Бүгүн Четверг, 2 ноября 2023 г.
Мындан тышкары, Макронго тайган иттердин жана алгыр куштардын мүмкүнчүлүктөрү көрсөтүлдү.
Франциянын президенти Эммануэль Макрон расмий сапар менен Астанага кечээ, 1-ноябрда барган. Ал Касым-Жомарт Токаев менен тар чөйрөдө сүйлөшүүлөрдү жүргүзүп, Казакстан менен Франциянын кеңейтилген курамдагы сүйлөшүүлөрүнө катышты.
Сапардын жыйынтыгында Казакстан менен Франция бир катар документтерге, анын ичинде Казакстан менен Франциянын стратегиялык минералдар боюнча кызматташуу ниети тууралуу биргелешкен декларациясына кол коюшту.
Сапардын жүрүшүндө эки өлкөнүн ишкер чөйрөлөрүнүн өкүлдөрү тарабынан да бир катар келишимдер түзүлдү.



















