Корея Республикасындагы президенттик шайлоого эки күндүк мөөнөтүнөн мурда добуш берүү өлкө боюнча 29-майда башталган. Негизги добуш берүү эртең, 3-июнда болот. Жеңген талапкер эртеси эле кызматына киришет.
Бул тууралуу Известия басылмасы жазды.
Өлкө боюнча 3,5 миң шайлоо участогу шайлоочулар үчүн ачык экенин Борбордук шайлоо комиссиясы билдирди.
Мамлекеттин калкы болжол менен 51,6 миллион адамды түзөт. Расмий маалымат боюнча, 44,3 миллионго жакын жаран добуш берүүгө укуктуу.
Буга чейин президенттикке талапкерлер Ли Чжэ Мён менен анын негизги атаандаштары Ким Мун Су жана дагы бир талапкер Ли Жун Со мөөнөтүнөн мурда добуш берерин айтышкан.
Маалыматта белгиленгендей, мамлекет башчысынын кызматына негизги талапкер – демократиялык “Турбо” партиясынан оппозиция лидери Ли Чжэ Мён. Ага жарандардын 52%га жакыны добуш берүүгө даяр.
Экинчи орунда келе жаткан “Элдик бийлик” партиясынан талапкер Ким Мун Су. Ал болжол менен 36% добуш алышы мүмкүн.
Ал эми Ли Жун Со 10,3%дык көрсөткүч менен турат.
Акыркы маалыматтарга караганда, кечээ 1-майда президенттин милдетин аткаруучу Хан Деок Су премьер-министрликтен кеткени маалымдалган.
Эскерте кетсек, Түштүк Кореядагы мөөнөтүнөн мурда президенттик шайлоо мурдагы мамлекет башчысы Юн Сок Юлга импичмент жарыялангандан кийин зарыл болгон. Бул анын 2024-жылдын декабрында аскердик абалды киргизүү аракетинен улам жасалган.
Анын бул кадамынан кийин Түштүк Кореяда саясий кризис күчөгөн. Ал бул чечимин “принципсиз Түндүк Кореянын мамлекетке каршы күчтөрүнүн” аракеттери менен түшүндүргөн.
Кореянын Конституциялык соту 2025-жылдын 4-апрелинде президент Юн Сок Ёлго импичмент жарыялоону колдогон.

















