Жакында бийликти басып алган козголоңчулар Сириянын экс-президенти Башар Асаддын атасы, экс-президент Хафез Асаддын күмбөзүнө кирип барышып, анын мүрзөсүн өрттөштү, деп билдирет Франс Пресс агенттиги.
Тасмада камуфляж кийген белгисиз козголоңчулар имараттын терезелерин сындырып, Сириянын маркум президенти Хафез Асаддын табытын өрттөп жиберишкенин көрүүгө болот. Күмбөздө жубайы Аниса менен тун уулу Василий да коюлган.
Хафез Асад 1971-2000-жылдары Сириянын президенти болгон. Ал өлгөндөн кийин президенттик кызматты козголоңчулар бийликтен кулатылган уулу Башар Асад өткөрүп алган. Мавзолей Хафез Асад туулуп өскөн Кардаха шаарынын көрнөктүү жери катары эсептелген.
Эске салсак, “Хаят Тахрир аш-Шам” (HTS) тобунун согушкерлери Дамаскка 8-декабрга караган түнү кирген. Башар Асад куралдуу кагылыштын катышуучулары менен сүйлөшүүлөрдөн кийин президенттик кызматтан кетип, өлкөдөн чыгып кеткен.















