Иш чарага ошондой эле Фергана жана Андижан облусттарынын аксакалдары катышышты.
25-мартта Шавкат Мирзиёев Наманганда бүткүл өлкө боюнча уюштурулган ифтарга катышты. Бул тууралуу президенттин пресс-кызматы билдирди.
Баса белгиленгендей, бул ыйык кечте өлкөнүн ар бир регионунда, ар бир махаллада ифтар үчүн дасторкон жайылды. Наманган облусундагы ооз ачарга Фергана жана Андижан облусттарынын аксакалдары катышышты.
Мамлекет башчы өлкөнүн мусулмандарына дагы бир ирет кайрылып, аларды Рамазан айы менен куттуктады.
«Бүгүн биз менен биргеликте диний чөйрөнүн, улуу муундун жана коомчулуктун өкүлдөрү ифтар өткөрүүдөбүз. Бүтүндөй көп улуттуу Өзбекстандын эли бир үй-бүлөнү символдоштуруп, бир столго чогулгандай болууда. Мындай иш чаралар адамдын ар намысынын бийик болушуна жана ыйыктыгына жол ачып, жаштарды ушундай туура жол менен тарбияоого шарт түзөт деп ойлоймун», – деп баса белгиледи президент.
Өз кайрылуусунда мамлекет башчы ифтардын катышуучуларына батасын берди.
«Ыйык Рамазан айы биздин өлкөдө, бүткүл мусулман өлкөлөрүндө жана дүйнө жүзүндө тынчтык жана бейпилдик орношуна өбөлгө болсун. Элдер менен улуттардын ортосунда бир туугандык жана өз ара сый урмат орун алсын. Күчтүүлөр алсыздарга жардам берип, берешендер жардамга муктаждарга көмөк көрсөтсүн, ал эми жаштар – улуу муундагыларга тирек болсун. Биздин динибиз көрсөткөн туура жолдон адашпай жүрүп, мезгилден артта калбай алга кадам таштайлы. Биздин жаштарыбыз билими менен дүйнөлүк аренада өздөрүн көрсөтүп, мамлекетибиздин аброюн көтөрүүгө шарт түзсүн. Өзбекстан дүйнөнүн алдңкы жана өнүккөн өлкөлөрүнүн бири болсун. Биздин кармаган орозобуз кабыл алынып, окуган намаздарыбыз орундалсын», – деди президент.
Иш чаранын жүрүшүндө Курандын аяттары окулуп, элдин жакшы жашоосу жана жыргалчылыгы үчүн бата кылынды.



















