Россиянын өкмөтү ички рынокто күйүүчү-майлардын баасын калыбына келтирүү үчүн эмбарго киргизди.
Ал эми орус өкмөтү тарабынан бензин жана дизель майын сыртка сатууга киргизилип жаткан тыюу салуунун Кыргызстанга тиешеси жок. Бул тууралуу РФнын өкмөтүнүн токтомунда айтылат.
Россиянын өкмөтү ички рыноктогу бааны калыбына келтирүү үчүн эмбарго киргизди. Бирок тиешелүү документте 11 жагдайга анын тиешеси жоктугу белгиленген. Бул “өкмөттөр аралык макулдашууларда көрсөтүлгөн индикативдик баланстар жана (же) протоколдордорго ылайык” ЕАЭБ аймактарына экспорттоо да бар.
Белгилей кетүүчү жагдай, Кыргызстан ЕАЭБдин мүчөсү болуп саналат, бул бирикменин алкагында биздин өлкөгө индикативдик баланс – Россиядан күйүүчү жана майлоочу майларды бажы алымысыз сатып алуу жеңилдиги каралган. Быйылкы жылга ал көлөм 460 миң тонна бензин жана 485 миң тонна дизель майы деп белгиленген.
Дизель майы менен бензинди биздин өлкө негизинен Россиядан сатып алат.
