Россиянын президенти Иран ТИМ башчысы менен эмне тууралуу макулдашты?
Россия Федерациясынын президенти Владимир Путин Ирандын тышкы иштер министри Аббас Аракчи менен жолугушту, деп билдирди Кремлдин басма сөз кызматы.
Жолугушуунун жүрүшүндө Россиянын лидери Иранга карата болгон аракеттер боюнча тынчсыздануусун билдирди. Анын айтымында, бул өлкөнүн аймагына жасалган соккулар — «эч кандай негизсиз жана актоого жатпаган таптакыр эрежеге ылайык келбеген агрессия» болуп эсептелет, деп жазат “Медуза”.
Ошондой эле ал Россия менен Ирандын ортосунда «көп жылдык, жакшы жана ишенимдүү мамиле» бар экенин белгилеп, Москва Иран элине колдоо көрсөтүүгө умтулуп жатканын айтты.
Аббас Аракчи өз кезегинде мындай деди:
АКШ менен Израилдин Иранга каршы аракеттери «агрессивдүү» жана «легитимсиз». Анын айтымында, бул аракеттер эл аралык нормаларды бузат жана андан ары өз сөзүнө мындай деп кошумчалады:
«Биз өз суверенитетибизди коргоп жатабыз жана бул коргонуу толугу менен мыйзамдуу».
Аракчинин Москвага сапары АКШ Ирандын ядролук объектилерине сокку ургандан кийинки күнү болгон. ЖМКлардын маалыматы боюнча, чабуулдар Фордо, Натанз жана Исфахан шаарларындагы үч заводго жасалган.
Иран менен Израилдин ортосундагы чыңалуу 13-июндан бери уланып, массалык соккулар менен коштолууда.
















