Россия президенти Владимир Путин менен АКШнын лидери Дональд Трамптын жолугушуусу 15-августта Аляскада болорун орус лидеринин жардамчысы Юрий Ушаков билдирди.
Бул тууралуу буга чейин 9-августка караган түнү Ак үйдүн башчысы билдирген.
Америкалык тарап Россия жана АКШ президенттери Владимир Путин менен Дональд Трамптын жолугушуусун жума күнү, 15-августта Аляскада уюштуруу боюнча макулдашуу жетишилгенин жаңы эле жарыялады. Россия менен АКШ бири-бири менен чектешкен жакын коңшулар. Ал эми биздин делегациянын Беринг кысыгы аркылуу жөн эле учуп өтүшү жана эки өлкөнүн лидерлеринин маанилүү жана күтүлгөн саммити дал Аляскада өтө турганы толугу менен логикага ылайыктуу көрүнөт”, – деди Кремлдин басма сөз катчысы.
Ушаков билдиргендей: лидерлер украин кризисин узак мөөнөттүү тынчтык жолу менен жөнгө салуу жолдорун талкуулоого басым жасашат;
Москва менен Вашингтон жакынкы күндөрдү жолугушуунун параметрлерин активдүү жана интенсивдүү иштеп чыгууга арнашат;
Бул оңой процесс болбойт;
Кийинки саммит Россияда болушу мүмкүн, Трампка чакыруу жөнөтүлдү;
Аляска менен Арктикада эки өлкөнүн экономикалык кызыкчылыктары кесилишет жана масштабдуу долбоорлорду ишке ашыруунун перспективалары көрүнүп турат.
Эске салсак, 6-августта Путин Кремлде Трамптын атайын өкүлү Стивен Уиткоффту кабыл алган, сүйлөшүү үч сааттан ашык созулган. Америкалык өкүл аркылуу өлкө лидерлери Украина боюнча сигналдар менен алмашышты, ошондой эле Москва менен Вашингтондун ортосундагы стратегиялык кызматташтыкты өнүктүрүүнүн келечегин талкуулашкан.



















