Орусиянын Тышкы иштер министрлиги 28-августтан бери өлкөгө кирүүгө биротоло тыюу салынган 92 америкалык жарандын тизмесин жарыялады.
«Биз АКШнын азыркы бийликтерине душмандык аракеттери үчүн жазанын сөзсүз болушун эскертебиз, мейли биз В.Зеленскийди жана анын жан-жөкөрлөрүн агрессия жана террордук актыларды жасоого түздөн-түз үндөгөндүгү же Россия Федерациясынын ички иштерине кийлигишүү аракети жөнүндө болобу? ”, – деп билдирди Орусиянын Тышкы иштер министрлиги.
Атап айтканда, тизмеде The Wall Street Journal гезитинин башкы редактору Эмма Такер жана анын орун басары Чарльз Форрел, The New York Times гезитинин журналисттери Пол Сонн жана Марк Сантора, The Washington Post гезитинин журналисти Дэвид Дэвид жана башка медиа өкүлдөрү бар.
Андан тышкары, тизмеге АКШнын Космостук системалар командачылыгынын башчысы Филипп Гарант, Anduril Industries коргонуу технологиялык компаниясынын негиздөөчүсү Палмер Лаки, АКШнын каржы катчысынын терроризмди каржылоо менен күрөшүү боюнча орун басары Анна Моррис, Мамлекеттик департаменттин басма сөз кызматкери Дэниел Исаак, Стэнфорд университетинин окутуучусу Филип Зеликов жана Аризона округдук прокурорунун орун басары Уильям Войт да бул “кара тизмеге” киришти.
23-августта АКШ орусиялык компанияларга санкциялардан качууга жардам берген 400гө жакын жеке жана юридикалык жактарга санкция киргизген. Атап айтканда, чектөөлөргө Орусиянын коргоо министринин уулу Андрей Белоусовдун, Москва зергер заводу, Волга-Днепр авиакомпаниясы, AirBridgeCargo, Norilsk Air, Магнитогорск металлургиялык комбинаты, ошондой эле суюлтулган газды ташуу менен алектенген компаниялар кирди.


















