Бейшемби күнү Reuters маалымат агенттиги Орусиянын Тышкы иштер министрлигинин өкүлүнө таянып, конфессиялар аралык кагылышуулардан качкан 9 миңдей сириялык жарандар Орусиянын Сириядагы «Хмеймим» авиабазасында баш калка табышканын билдирди.
Reuters агенттиги Хмеймим Сириядагы орусиялык эки аскерий базанын бири экенин, анын союздашы Башар Асад кулатылганына карабай Москва бул авиабазаны сактап калууга үмүттөнүп жатканын жазды.
Мария Захарова журналисттерге сириялык качкындарга башпаанек берүү маселеси өмүр менен өлүм маселеси экенин, бул адамдардын көбү аялдар жана балдар экенин айтты.
Reuters агенттиги Адам укуктары боюнча Сирия обсерваториясына шилтеме жасап, соңку чабуулдардан жүздөгөн карапайым алавиттер набыт болгонун кабарлады.















