Олжас Бектенов Казакстандын премьер-министри болуп дайындалгандыгын Tengrinews.kz. сайты жазды.
Тиешелүү буйрукка Президент Касым-Жомарт Токаев кол койгон.
“Мамлекет башчынын Указы менен Бектенов Олжас Абаевич Казакстандын премьер-министри болуп дайындалып, мурда ээлеген кызматынан бошотулду”, – деп билдирди Акордонун маалымат кызматы.
Белгилей кетүүчү жагдай, 6-февралда эртең менен Казакстан парламентиндеги Amanat фракциясы Казакстандын премьер-министри кызматына Олжас Бектеновдун талапкерлигин сунуш кылган. Мурда ал Президенттин Администрациясынын жетекчиси кызматын ээлеген.
Мындан бир күн мурда Казакстандын өкмөтү отставкага кеткен. Премьер-министрдин милдетин аткаруучу болуп мурда вице-премьер кызматын ээлеп келген Роман Скляр дайындалган.
