Россия Иран эли менен тилектештигин билдирет, – деди Россиянын Бириккен Улуттар Уюмундагы туруктуу өкүлү Василий Небензя.
“Иран эли менен тилектештигибизди билдиребиз жана бардык бейкүнөө курмандыктарга кайгыбызды билдиребиз”, – деди ал БУУнун Коопсуздук Кеңешинин жыйынында.
Небензянын айтымында, Ислам Республикасындагы окуялар түстүү революцияларды эске салат.
Ошол эле учурда ал өлкөдөгү нааразычылык акциялары азыр басаңдаганын кошумчалады.
Андан тышкары, дипломат Иранга каршы мындан ары этиятсыз кадамдардан алыс болууга чакырды жана ал жердеги кырдаалга тышкы кийлигишүүнүн ар кандай түрүн айыптады.
Ирандагы башаламандыктар
Өткөн жылдын аягында Ислам Республикасында иран риалынын девальвациясына байланыштуу нааразылык акциялары башталган. Улуттук валютанын арзандашы дүң жана чекене бааларга таасир эткен, ошондой эле валюта курсунун кескин өзгөрүшүнө алып келген.
8-январдан тарта нааразылык акциялары башаламандыктар менен коштоло баштаган. Ирандын 1979-жылы кулатылган шахынын уулу Реза Пехлеви да ирандыктарды жалпы улуттук иш таштоого чыгууга, стратегиялык маанидеги көчөлөрдү жана объектилерди ээлөөгө үндөп, ошондой эле АКШнын мурдагы президенти Дональд Трамптан кырдаалга кийлигишүүнү суранган.
Ирандын айрым шаарларында митингдер коопсуздук күчтөрү менен кагылышууларга айланып, элге кол салган куралчан террорчулар да пайда болгон. Жай тургундар жана күч түзүмдөрүнүн арасында да курмандыктар болду.
Иран Ислам Республикасынын бийлиги башаламандыктардын уюштурулушуна АКШ менен Израилди айыптады.

















