Мамлекеттик катчы Сүйүнбек Касмамбетов ЖК депутаты Эрулан Көкүлов менен Билим берүү министри Каныбек Иманалиевдин кайым айтышы боюнча пикирин билдирди.
Ал соцтармактагы баракчасына түзүлгөн жагдай Жогорку Кеңеште талкуу болчу маселе эмес болгонун жазды.
“Каныбек мырза иш бөлмөсүндө билек түрүп иштеп жаткан экен, көрдүк.
Эрулан мырза да ал жерге ойноп барбай, эл камын ойлоп барганын да көрдүк.
Негизи мага экөөнүн кайым айтышы кадыресе эле көрүнүш! Эл үчүн ошентип кызыл чеке болуп, “кырылышып” эле иштей бергиле! Өзүңөрдүн ишиңер үчүн жаакташпагандан кийин, өлкөбүздүн эсин эки кылбай, кичүүң улуусуна кол сунуп, төш тийгизип койгула ! Наркыңарга баш ийип, баркыңарды сактагыла!“,- деп жазды Касмамбетов.
Эске салсак, 5-сентябрда эл өкүлү Эрулан Көкүлов Билим берүү министри Каныбек Иманалиевдин кайым айтышкан видеосу социалдык тармакка тараган. Кокулов министрдин кабинетине кирип барып, аны кабыл албагандыгын айты өзүнүн нааразылыгын айткан. Иманалиев Көкүловду Азия банкынын өкүлдөрү менен болгон жыйындан кийин тартир менен кабыл аларын айткан.
