Ирандын Ислам революциясынын сакчылар корпусунун (ИРСК) Жогорку улуттук коопсуздук кеңешинин катчысы Али Лариджанинин өлүмү үчүн кандуу өч аларын билдирди РИА Новости агенттиги.
Буга чейин Израилдин коргоо министри Исраэль Кац Лариджани Тегерандагы Израилдин чабуулу учурунда өлтүрүлгөнүн билдирген. Кийинчерээк Лариджанинин кеңсеси анын каза болгонун тастыктады.
«Ислам революциясынын сакчылар корпусу ыйык коргонуу жолунда курман болгон шейит жана башка шейиттер үчүн кан өч алууну эч качан унутпайт», — деп айтылат ИРСКтин билдирүүсүндө.
ЖМКлар Лариджани АКШ жана Израилдин истребителдеринин соккусунан каза болгонун жазышкан.
Ирандын президенти Масуд Пезешкиан да Лариджанинин өлүмү үчүн катуу өч алынарын убада кылды.
«Албетте, террористтик агрессия учурунда колдорун күнөөсүз, бирок кайраттуу жана туруктуу шейиттердин канына булгаган кылмышкер террористтерди катуу өч күтөт», — деди Пезешкиан, анын сөздөрү басма сөз кызматы тарабынан жарыяланган.
Эске салсак, бир күн мурда Израилдин коргоо министри Исраэль Кац Лариджанинин Иранга жасалган аба соккусунан каза болгонун билдирген.
Кийинчерээк анын уулу, жансакчылары жана орун басарларынын бири да аны менен кошо каза болгону маалым болду.
















