Бүгүнкү күндө Кытай нөшөрлөп жааган жамгырдан улам келтирилген материалдык зыяндардын кесепеттери менен күрөшүүдө. Азырынча селден улам өлкөдө канча материалдык зыян болгондугу эсептелип бүтө элек.
Fitch Ratings агенттигинин аналитиктеринин отчётунда Кытайдын түндүк-чыгышындагы каттуу жааган жамгыр ансыз деле кургакчылыктан жана кымбатчылыктан улам баасы көтөрүлүп жаткан күрүчтүн дүйнөлүк баасын ого бетер кымбаттатышы мүмкүн экендиги айтылууда.
Кытайдагы шалы талааларын сел жууп кетиши азык-түлүктүн бул түрүнүн тартыштыгын кайра күчөттү. Өлкөдөгү күрүчтүн түшүмүнүн 23%ы Ички Монголия, Цзилинь жана Хэйлунцзянь аймактарында өстүрүлөт. Эксперттердин божомолу боюнча, дал ушул аймактарда жакынкы күндөрү тынбай жааган жамгырдан улам кайрадан сел жүрүшү мүмкүн.
Акыркы жумада Кытай аба ырайынын кескин өзгөрүүсүнөн улам жабыр тартууда. Өлкөнүн түндүгүндө акыркы жылдардагы өтө күчтүү шамал болуп, ал Тайфун Доксури деп аталды. Борбор калаа Пекин да 140 жылдан бери боло элек нөшөрлөгөн жамгырдан жапа чекти. Азырынча селдин нугу токтой элек жана качан токтой бургандыгы да белгисиз. Бирок шалы аянттарынын жабыркагандыгы бүтүндөй дүйнө жүзүндөгү күрүчтүн баасынын көтөрүлүүсүнө таасир этери белгилүү.
