Кытайлык окумуштуулар аскерлерди башкарууга жөндөмдүү биринчи роботтун прототибин жасашты. Бул тууралуу South China Morning Post (SCMP) кабарлады.
Робот-командир жасалма интеллекттин (ЖИ) негизинде иштейт, ал ага фронттун белгилүү бир бөлүгүндөгү кырдаалды талдап, чечим кабыл алууга жана кол алдындагыларга буйрук берүүгө жардам берет.
Виртуалдык симуляцияларда сыналган машина адамдын кийлигишүүсүз эле аскерлерди эффективдүү башкарууга жөндөмдүү.
Адистердин айтымында, машина белгилүү бир билим базасына ээ, душмандын аракеттерин талдай алат жана өткөн жылдардагы аскер башчыларынын тажрыйбасына таянат.
Авторлордун айтымында, машинанын бирден-бир көйгөйү – анын эс тутуму, аны мезгил-мезгили менен керексиз маалыматтардан бошотуп туруу керек.
Окумуштуулардын айтымында, мындай робот-командирлер моделдөө менен алектенип, аскерлердин ишин жеңилдетет. Жаңы роботтор Кытайдын Элдик боштондук армиясынын (ПЛА) муктаждыктары үчүн колдонула баштайт.
