Бүгүн, 23-октябрь эртең менен Казакстандын аймагында “белгисиз” учкучсуз учуучу аппараттын жарылуусу катталганын өлкөнүн Коргоо министрлигинин басма сөз кызматы өзүнүн Telegram-каналында маалымдады.
Маалыматта белгисиз келип чыгыштагы учкучсуз учуучу аппараттын жарылышы Батыш Казакстан облусундагы Бурлин районунда катталганы айтылат.
Дрондун сыныктары ээн жерде табылган, эч ким жабыркаган эмес жана эч кандай имарат же курулуш бузулган эмес.
Министрлик өлкөнүн аба мейкиндигине көзөмөлдү күчөткөнүн белгиледи.
Республиканын Коргоо министрлиги мындай аппараттар потенциалдуу түрдө таандык болушу мүмкүн болгон чет элдик өнөктөштөр менен сүйлөшүүлөр башталганын кошумчалады.
Бурлин району Батыш Казакстан облусунун түндүк-чыгыш тарабында, Россиянын Оренбург облусу менен чектеш аймакта жайгашкан.



















