Казакстанда 30-августта Конституция күнү белгиленүүдө. Өлкө президенти Касым-Жомарт Токаев Казакстан калкына куттуктоо жолдоду.
Казакстандын Конституциясы 1995-жылы кабыл алынган. 29 жыл ичинде ага бир нече өзгөртүүлөр жана толуктоолор киргизилген.
Казакстанда Конституция эки жолу кабыл алынган. Республика 1991-жылы эгемендүүлүккө ээ болгон, бирок 1995-жылы гана анын негизги мыйзамы биротоло бекитилген. Биринчи аракеттер 1993-жылы жасалган. Анда Конституцияга көптөгөн укуктук нормалар киргизилген – бийликти бөлүштүрүү принциби, казак тилин мамлекеттик тил деп таануу, президентти мамлекет башчысы катары таануу жана башкалар. Эки жылдан кийин 1995-жылы элдик референдумда жаңы Конституция кабыл алынып, ал бүгүнкү күнгө чейин күчүндө.
Өлкөнүн жаңы мыйзамы кабыл алынганга чейин калк Конституциянын долбоорун активдүү талкуулаган. Массалык талкуулардын жыйынтыгында дээрлик 30 миң сунуштар айтылып, 55 беренеге 1100дөн ашык өзгөртүүлөр жана толуктоолор киргизилген.
Бирок эгемендүүлүк жылдарында Конституцияга алты жолу өзгөртүүлөр жана толуктоолор киргизилген: 1998, 2007, 2011, 2017, 2019 жана 2022-жылдары.
Конституцияга кеңири масштабдуу өзгөртүүлөр 2022-жылдагы референдумдан кийин киргизилген.
Казакстандын Конституциясына өзгөртүүлөрдү жана толуктоолорду киргизүү боюнча республикалык референдум 2022-жылдын 5-июнунда өткөн.
“Казакстан Республикасынын Конституциясына өзгөртүүлөрдү жана толуктоолорду киргизүү жөнүндө” мыйзам 8-июндан тарта күчүнө кирген.



















