Астанага АКШнын федералдык авиациялык башкармалыгынын өкүлдөрү келишти
Казакстан АКШга түз аба каттамдарын 2025-жылы ачат.
26-августтан 30-августка чейин Казакстандын авиациялык органдарынын өлкөдөгү учуу коопсуздугуна эффективдүү көзөмөлдү камсыз кылуу боюнча ишмердүүлүгүн баалоо үчүн Эл аралык авиациялык коопсуздукту баалоо боюнча техникалык экспертиза жүргүзүлүүдө.
Федералдык авиация башкармалыгынан тышкары Транспорт министрлигинин Жарандык авиация комитети Казакстандын АКШдагы элчилиги жана АКШнын Казакстандагы элчилиги менен тыгыз кызматташкан.
Казакстанга келген FAA адистери республиканын жарандык авиация системасынын учурдагы абалына ар тараптуу талдоо жүргүзүп, учуу коопсуздугунун деңгээлин жана эл аралык стандарттарга шайкештигин мындан ары жогорулатуу боюнча сунуштарды беришет.
Алар Казакстандын авиацияция индустриясынын жана учуу коопсуздугун көзөмөлдөө системасынын комплекстүүлүгүнө баа беришет.
Карап чыгуунун алкагында Air Astana′га техникалык сапар да пландаштырылган.
“Казакстанга Boeing-787 Dreamliner учактарын жеткирүү 2025-жылы күтүлүүдө. Казакстан тарабынан FAA аудити ийгиликтүү аяктагандан жана алыскы магистралдык аба лайнерлери келгенден кийин Казакстандан АКШга түз каттамдар ачылат”, – деп айтылат министрликтин маалыматында.
Казакстандын авиациялык бийликтери учуунун коопсуздугунун деңгээлин жогорулатуу жана өлкөлөр ортосунда түз аба каттамдарын ачуу маселелери боюнча АКШнын FAA менен активдүү өз ара аракеттенүүнү улантат.
Казакстандыктар Алматы менен Астанадан АКШга түз учуп баруу мүмкүндүгүн көп жылдардан бери күтүп келишкен. 2024-жылдын апрелинде Казакстан менен АКШнын авиациялык администрациялары учуунун коопсуздугун алдын ала эл аралык баалоо боюнча келишимге кол коюшкан.
2024-2025-жылдары казакстандыктар Нью-Йоркко түз уча аларын 2023-жылдын аягында Казакстан Республикасынын Транспорт министри Марат Карабаев билдирген.


















