Түркиянын президенти Режеп Тайып Эрдоган АКШнын президенти Дональд Трамп менен телефон аркылуу сүйлөштү.
Алар Газадагы кырдаал, Украинадагы жаңжал жана Сириядагы абалды ошол эле учурда АКШ менен Ирандын сүйлөшүү процессин талкуулашты.
Бул тууралуу Anadolu агенттиги жазды.
Маалыматта белгиленгендей алар сүйлөшүү учурунда Түркия менен АКШнын ортосундагы эки тараптуу карым-катнаштар, аймактык жана глобалдык маселелерди талкуулашкан.
Түрк президенти АКШ президентинин согуштарды токтотууга карата мамилесин колдой турганын, Иран менен сүйлөшүү процессин жана анын Орусия-Украина согушун токтотуу аракетин жогору баалай турганын айтты. Ал эми
Газа тилкесиндеги гуманитардык кризис олуттуу масштабга жеткендиктен жардам бул аймакка үзгүлтүксүз жеткирилиши керектигин баса белгиледи.
Мындан тышкары, Эрдоган АКШ президенти Трамптын Иран менен согуштарды жана согуштук аракеттерди токтотуу аракетин колдоорун кошумчалады.
Маалыматта белгиленгендей, тараптар Сирия маселесин да талкуулашты.
«АКШнын Сирияга каршы санкцияларды жеңилдетүү аракети Сириянын жеринин бүтүндүгүн жана туруктуулугун коргоо процессине салым кошот»,- деди Эрдоган.
Сүйлөшүү учурунда Эрдоган Трампты Түркияга чакырды.


















