6 400 киши жарыксыз калды — Валле-д’Аоста регионунда аба ырайы кескин начарлаган.
РИМ
Италиянын түндүгүндө жааган катуу жамгырлардан улам болгон суу ташкындарынан 3 адам каза болду.
Улуттук басылмалардын маалыматына ылайык, өлкөнүн түндүк-батышындагы Турин шаарына жакын жайгашкан Монтеу-да-По шаарчасында 92 жаштагы киши суунун деңгээли көтөрүлгөн учурда сууга түшүп, агымга кабылып каза тапкан.
Виченца шаарына жакын жайгашкан Вальданьо шаарчасында ата-бала суу ташкынынан качып бара жатып, жер көчкүнүн айынан пайда болгон чуңкурга түшүп кетишкен жана дайынсыз жоголушкан.
Италиянын өрт өчүрүү кызматы X платформасында билдиргендей, 18-апрель күнү эртең менен ата-баланын жансыз денелери чуңкурдан табылып, сыртка чыгарылган.
Катуу жааган жамгырлар Тренто шаарына караштуу Сан-Мартино аймагында жер көчкүгө алып келип, коопсуздук максатында 14 адам эвакуацияланды.
Валле-д’Аоста регионунда 6 400 адам электр жарыгынан ажырады — бул аймакта аба ырайы өзгөчө оор болууда.
Турин шаары жайгашкан Пьемонт регионунда коопсуздук деңгээли эң жогорку «кызыл» деңгээлден «кызгылт сарыга» түшүрүлгөн.



















