Исландиянын Рейкьянес жарым аралында жер титирөөдөн кийин жанар тоо атылды. Исландиянын бийлиги учурда өзгөчө кырдаал адам өмүрүнө коркунуч туудурбай турганын билдирди. Ошентсе да жакынкы шаардын тургундары эвакуацияланган.
Кадрлардан жарым аралдын Гриндавик шаарындагы активдүү вулкандын бийиктен көрүнүшүн жана тоо жаракасынан чыгып, жайылып аккан лаваны көрүүгө болот.
Исландиянын метеорологиялык бюросунун маалыматы боюнча вулкандагы жараканын узундугу болжол менен 3,5 чакырымды түзөт, лава секундасына 100-200 метр куб ылдамдыкта агып жатат.
Аймакта сейсмикалык активдүүлүк жакынкы бир нече айга чейин уланат деп болжолдонууда.
2010-жылы Эйяфьядлайёкюдль жанар тоосу атылып, атмосферага бир нече километр күл бүркүп, андан улам Европанын түндүгүндө аба мейкиндигинин жабылышына жана миңдеген каттамдардын токтотулушуна алып келген.




















Discussion about this post