Учурда Тегерандын Вашингтон менен диалог жүргүзүү ниети жок экенин, анткени мындай диалогго негиз жок экенин билдирди.
Бул тууралуу Ирандын тышкы иштер министри Аббас Аракчи араб тилдүү “Al-Araby Al-Jadeed” басылмасына берген маегинде билдирди.
Маектин жүрүшүндө ал Сириядагы акыркы окуялар, Газагы согуш, Ирандын Европа менен өзөктүк келишим боюнча сүйлөшүүлөрү жана Америка менен диалог тууралуу сөз кылды.
“Биз Американын жаңы өкмөтү кандай саясат жүргүзөрүн күтүп жатабыз жана андан кийин биз өзүбүздүн саясатыбызды түзөбүз”, – деди Аракчи.
Ал Сириядагы акыркы окуяларга токтолуп, бул өлкөдөгү террордук топтордун автивдешүүсү Ирак, Иордания жана Түркия сыяктуу коңшу өлкөлөргө көбүрөөк зыян алып келиши мүмкүн экенин белгиледи.
«Эгер Сирия өкмөтү Ирандан өлкөгө аскер жиберүүнү суранса, биз өтүнүчтү карап чыгабыз», – деп кошумчалады ал.
Аракчи Сириядагы абалды талкуулоо үчүн Орусияга баруу ниетин да ырастады.
Буга чейин ал Сириядагы кырдаалга байланыштуу Жакынчы Чыгыш өлкөлөрүнө сапар жасап, алгач Сирияга андан соң Түркияга сапары менен барып, Сириядагы террорчулардын активдешүүсү боюнча сүйлөшүүлөрдү жүргүзгөн.
«Иран араб өлкөлөрүндөгү каршылык көрсөтүү кыймылдарына буйрук бербейт жана алар менен уюштуруучулук мамиледе эмес. Бирок алардын ишмердүүлүгүн колдойт жана керек болсо жардам берет», – деп сөзүн жыйынтыктады министр.
Аракчи Иран-Сауд мамилелери тууралуу да пикирин билдирди.
«Алар жакшы деңгээлде өнүгүп жатат жана ал Тегеран менен Вашингтондун ортосунда болуп жаткан окуялардан көз карандысыз», – деди.
Ал эми Ирандын өзөктүк программасы боюнча сүйлөшүүлөрү боюнча Аракчи мындай деди:
«Бизде бул жаатта Европа менен сүйлөшүүлөргө пессимисттик көз карашта болууга көптөгөн себептер бар».


















