Ирак түркмөн фронтунун саясий бюросунун мүчөлөрү тарабынан уюштурулган кезектеги ай сайын өтүүчү жыйында Мухаммед Саман бир добуштан уюмдун төрагасы болуп шайланды.
«Анадолу» агенттигинин кабарлашынча, Ирак түркмөн фронтунун басма сөз кызматы тараткан жазма билдирүүдө саясий бюронун жыйынында уюмдун мурдагы төрагасы Хасан Турандын отставкасы кабыл алынганы айтылат.
Маалыматка ылайык, Мухаммед Саман Ирак түркмөн фронтунун президенти болуп бир добуштан шайланды. Түркмөндөрдүн эң ири саясий партиясындагы бул өзгөрүү түркмөндөрдүн саясаттагы биримдиги менен ынтымагына олуттуу кадам катары мүнөздөлдү.
Билдирүүдө жаңы жетекчилик түркмөндөрдүн Ирактагы маанилүү жана стратегиялык максаттарын ишке ашырууну тездетери жана Ирак түркмөн фронту буга чейин болуп көрбөгөндөй күчтүү болору белгиленген.



















