Индия ушул жылдын декабрь айында космоско адам сымал Viomitra аттуу роботту учурууну ниеттенүүдө.
Бул 2027-жылга пландаштырылган масштабдуу “Гаганяан” миссиясынын алдындагы биринчи кадам.
Бул тууралуу Индиянын космостук агенттигинин (ISRO) төрагасы Ваннияперумал Нараянан билдиргенин Rambler агенттиги жазды.
“Учуруу башкарылуучу программага чейинки үч пландаштырылган учкучсуз миссиянын биринчи этабы болот. Бул сыноо учуусуна Viommitra аттуу робот катышат. Эки адам башкарган учуруу 2026-жылга пландаштырылууда, ал эми Гаганяан долбоору 2027-жылы ишке ашырылат”, – деп айтылат маалыматта.
Нараянандын айтымында, Индиянын Аскер-аба күчтөрүнүн капитаны Шубаншу Шукланын 2025-жылдын июнь айында Эл аралык космос станциясына болгон экспедицияга катышуусу агенттикке баалуу тажрыйба берген.
Кошумчалай кетсек, Индиянын премьер-министри Нарендра Моди 2018-жылы Гаганяан долбоорун жарыялап, 2022-жылы космоско биринчи жолу учууну максат кылган. Бирок COVID-19 пандемиясынан жана башка көйгөйлөрдөн улам учуу дайыма жылдырылып келген.



















