Америкалык миллиардер жана SpaceX компаниясынын башчысы Илон Маск үч айдын ичинде президенттикке “Республикачылардын” атынан талапкер болгон Дональд Трампты колдогон өзүнүн “PAC America” комитетине 75 миллион доллар салган. Бул тууралуу The Hill басылмасы жарыялады.
Аталган комитет июнь айынан бери президенттик жарышка 102,2 миллион доллардан ашык каражат жумшаган, ондогон миллион долларларды Трампты колдоого жана вице-президент Камала Харристи каралоо ишине жумшалган.
Комитет ошондой эле АКШнын учурдагы президенти Жо Байденди жарыштан чыкканга чейин жаманатты кылуу үчүн дээрлик 8,9 миллион доллар сарптаган.
Басылма белгилегендей, бир нече айдын ичинде PAC 2024-жылдагы шайлоо циклинде тышкы сарптоо боюнча жетинчи орунга чыккан.
“PAC America” комитетине Масктын жакын союздаштары да салым кошушкан, алар: Palantir Technologiesдин негиздөөчүлөрүнүн бири Джо Лонсдейл, Sequoia Capitalдын өнөктөштөрү Дуг Леоне менен Шон Магуайр жана крипто инвесторлор Кэмерон менен Тайлер Уинклвосстор акча которушкан.
Маалыматта айтылгандай, Маск аталган комитетке июль айында жалпы суммасы 15 миллион долларды түзгөн үч салым кошкон, июль айында үч салымы 30 миллион доллар жана сентябрда 30 миллион доллар болгон.
2024-жылдын март айында Маск АКШдагы президенттик шайлоодо эч бир талапкерге үгүт иштерине каражат бербей турганын жарыялаган.
Сентябрда Трамп эгер жеңишке жетсе, Маскты Ак үйдөн кызмат бере турганын айткан.
Октябрдын башында Трамп Батлердеги шайлоо алдындагы митингде кайра сөз сүйлөдү. Июль айында ага ушул шаарда кол салуу болгон. Трамптын бул шаарда экинчи жолку элге кайрылуусунан кийин Илон Маск аны колдой баштаган.
Washington Post гезити жазгандай, Масктын каржылык колдоосу алда канча масштабдуу болгон жана болжолдогондон эртерээк башталды.


















