Al Jazeera: АКШ жана Европанын санкциялары 1970-жылдан бери 38 млн адамдын өлүмүнө алып келди.
Европалык лидерлер жана АКШ бийлиги глобалдык Түштүк өлкөлөрүнө каршы киргизген санкциялар 38 миллион адамдын өмүрүн алган. Бул тууралуу Al Jazeera изилдөөнүн жыйынтыктарына шилтеме берип жазды.
Макалада айтылгандай, АКШ жана Европа санкцияларды көптөн бери өлкөлөрдүн өкмөттөрүнө басым жасоо куралы катары колдонуп келишет. Авторлор кошумчалагандай, 1990–2000-жылдары жыл сайын батыш санкцияларынын алдында болжол менен 30 мамлекет турган.
Изилдөөчүлөр баса белгилешкендей, 2025-жылы The Lancet Global Health журналына 1970-жылдан 2021-жылга чейинки санкциялар менен байланышкан өлүмдөрдүн жалпы саны боюнча изилдөө жарыяланган.
«Жыйынтыктар таң калычтуу. Авторлор 1970-жылдан бери АКШ менен ЕБ киргизген бир тараптуу санкциялар 38 миллион адамдын өлүмүнө байланыштуу экенин аныкташкан», — деп айтылат материалда.
Ошону менен бирге, басылмада белгиленгендей, санкциялардан курман болгондордун саны согуштук аракеттерден каза болгондордон бир нече эсе көп.
Буга чейин америкалык The Wall Street Journal гезити АКШ президенти Дональд Трамп Россияга каршы кошумча санкциялар боюнча так милдеттенмелерди алган эместигин жазган.
Мурда Батышта Трамп Европадан орус мунайынан баш тартууну талап кылып жатканы кабарланган.



















