С. Дюжаррик: БУУ олуттуу каржылык тартыштык мезгилин баштан кечирүүдө.
Бириккен Улуттар Уюму (БУУ) учурда олуттуу каржылык жетишсиздикке туш болуп жатат. Бул тууралуу уюмдун Башкы катчысынын расмий өкүлү Стефан Дюжаррик билдиргенин РИА Новости агенттиги маалымдады.
Пресс-конференцияда ал БУУдагы учурдагы кырдаалды мындайча мүнөздөдү:
«Аз акча түшүп жаткан мезгилди баштан кечирип жатабыз.»
Анын айтымында, БУУга мүчө мамлекеттердин үчтөн экисине жетпегени гана милдеттүү мүчөлүк төгүмдөрүн төлөгөн.
Дюжаррик ошондой эле жакында Алжир тарабынан которулган 2,7 миллион АКШ доллары өлчөмүндөгү салым үчүн ыраазычылык билдирди.
Ал белгилегендей, азыркыга чейин БУУ 117 мүчө мамлекеттен гана каражат чогулта алган.
Буга чейин орусиялык блогер жана дизайнер Артемий Лебедев БУУну катуу сынга алып, аны «жай иштеген, эч кандай пайдасы жок уюм» деп атаган. Ал ЖМКларда жарыяланган маалыматтарга таянып, уюм банкроттук коркунучуна кептелгенин белгилеген.
Ошондой эле ал: «Эгер бул уюм жоюлуп кетсе, эч ким буга кайгырбайт», — деген пикирин билдирген.


















