Америкалык миллиардер Илон Масктын байлыгы бир күндө 33,5 миллиард долларга көбөйүп, 270,3 миллиард долларга жетти. Бул электр унаа компаниясынын Tesla акцияларынын 22% га кымбаттаганына байланыштуу болду.
Бул тууралуу Bloomberg билдирет.
Агенттиктин маалыматы боюнча, буга автоконцерндин өткөн жайдан берки эң олуттуу кварталдык кирешеси жана келерки жылы автоунаа сатуунун 30% өсүү болжолу көмөктөшкөн.
Үчүнчү жыл катары менен эң бай америкалыктардын тизмесинин башында турган Маск азыр тизмеде экинчи орунда турган Amazon компаниясынын негиздөөчүсү Жефф Безостан 61 миллиард доллар алдыда.



















