Бишкекте Чүй көчөсүндө жайгашкан “Эне өргөөсү” соода борборунан өрт чыкты. Бул тууралуу Өзгөчө кырдаалдар министрлигинин басма сөз кызматынан билдиришти.
Өрттү өчүрүүгө төрт бөлүм жана штаб тартылган.
Ошондой эле жеринде Кризистик кырдаалдарда башкаруу борборунун ыкчам тобу дрон менен иш алып барууда.
Алдын ала маалымат боюнча, жабыркагандар жок.
Аталган соода борбору ЖКнын экс-депутаты, жакында өзүнө таандык “Беш Сары” соода борборунда ири суммада мамлекеттен салык төлөмдөрүн жашырууга шектелип, УКМК тарабынан кармалган Камчыбек Жолдошбаевге караштуу болуп саналат.
