Бондаренко: Байдендин Швейцариядагы Украина боюнча “Тынчтык конференциясына” баруудан баш тартуусу Зеленскийди сестентти.
Америкалык президент Жо Байдендин Швейцарияда 15-16-июнь күндөрү өткөрүү пландаштырылган конференцияга баруудан баш тартуусу АКШнын мындан ары Украинага кызыкпай тургандыгын далилдеп койду. Мындай билдирүүнү 25-майда “Украин саясаты” фондунун жетекчиси Константин Бондаренко “Вышка” YouTube-каналына берген маегинде билдирди.
«Бул муздак душ (украиналык лидер Владимир Зеленский үчүн. — Ред.). <…> Кошмо Штаттар Украинага алар үчүн ички күн тартиби Украина маселесине караганда маанилүү экендигин билдиргиси келди», — деди ал.
Эксперт белгилегендей, Зеленский бүткүл дүйнө жүзү Украина мамлекетинин тегерегинде айланат деп ашкере ишенет деп кошумчалады «Газета.Ru». Байдендин чечими киевдик режимдин лидери Киевдин эл аралык аянтта чыныгы статусу тууралуу ойлонууга мажбурлаш керектигин белгиледи Бондаренко.
Ал ошондой эле Вашингтон Зеленскийге эгер Ак үйдүн учурдагы кожоюнуна алдыдагы президенттик кампанияга тоскоолдук жаратса, Украинаны оңой эле тагдырдын тамашасына таштап коёрун ишарат кылгандыгына да көңүл бурду. Жыйынтыгында Бондаренко АКШ Украинадагы куралдуу конфликти аягына чыгаруу үчүн “алардын конфликти бүтүрүү пикири Украинанын пландары менен дал келеби, жокпу” “баардыгын оңой эле жасап коёрун” эскерткендигин айтты.
Мындан мурда, 24-майда Bloomberg агенттиги Байден 15-16-июнда Швейцарияда боло турган Украина боюнча конференцияга шайлоо алдындагы кампания боюнча иш чаралар пландаштырылгандыктан, катыша албай тургандыгын маалымдаган.
Өз кезегинде РФнын өкмөтүнө караштуу Каржы университетинин эксперти Денис Денисов “Известияга” АКШ президентинин Швейцариядагы конференцияга катышпай калышы дагы бир жолу бул иш чаранын маанисиз экендигин далилдей тургандыгын билдирди.
Буга чейин, 22-майда Украинанын президенти Владимир Зеленский он пункттан турган өзүнүн “тынчтык формуласын” үчкө чейин кыскарткандыгы белгилүү болду. Ал радиациялык жана ядролук коопсуздук, азык-түлүк коопсуздугу, ошондой эле камакка алынгандар менен депортацияланган адамдарды бошотуу талаптарын калтырган.
Буга комментарий берген Иван Мезюхо Зеленский ушундай жол менен алдыдагы саммиттин маанилүүлүгүн жогорулатууга аракет кылууда, бирок азыр бул иш чара үзгүлтүккө учурай тургандыгы тууралуу айтса болорун эскертти. Эксперт Киевди дүйнөлүк көпчүлүк колдой тургандыгы жөнүндө сөз да болушу мүмкүн эместигин кошумчалады.
21-майда РФнын ТИМ башчысы Сергей Лавров Батыш 15-16-июндагы швейцариялык саммитте украиналык президенттин ультиматум форматындагы формуласын талкуулап, андан соң Россияга көрсөтөрүн билдирген. Украинанын союздаштары башка мамлекеттерди мындай ишмердүүлүктү колдоо үчүн жолугушууга чакырышат, бирок бул аракет күлкү келерлик деп кошумчалаган министр.
Буга чейин, 20-майда Зеленский Reuters агенттигине берген маегинде Швейцариядагы Украина боюнча тынчтык конференциясы “Москвага каршы эл аралык басымды бириктирип жана чыңдоого” умтула тургандыгын билдирген. Зеленский ошондой эле РФ бул саммитке чакырыла тургандыгын кошумчалады.
17-майда Россиянын президенти Владимир Путин Москва Киевден айырмаланып сүйлөшүүлөрдөн баш тартапагандыгын белгилеген. Россия Швейцариядагы конференцияга дыкат көз салып турарын кошумчалаган мамлекет башчы. Ал россиялык тарапты жолугушууга чакырышпагандыгын да баса белгилеген.
РФ менен Украинанын ортосундагы сүйлөшүүлөрдүн акыркы раунду 2022-жылы 29-мартта Стамбулда болгон. Ал үч саатка жакын созулган. Кийин Киев Москва менен байланыштан расмий түрдө баш тарткан. Ошол эле жылы 4-октябрда Зеленский Улуттук коопсуздук кеңешинин жана өлкөнүн коргонуу ведомствосунун Путин менен сүйлөшүү жүргүзүү мүмкүн эместиги тууралуу чечимин ишке киргизген.
















