Белгилүү кыргыз акыны Барпы Алыкуловдун туулган күнүнүн 140 жылдыгы быйыл бүтүндөй түрк тилдүү мамлекеттерде белгиленет. Бул тууралуу ТҮРКСОЙ уюмунун башкы катчысы Султан Раев социалдык тармактагы барагында билдирди. Анда мындай деп айтылат:
– Шушада өткөн ТҮРКСОЙ эл аралык уюмунун кыркынчы Туруктуу Кеңешинде улуу акын, философ, кыргыздын залкары Барпы Алыкуловдун маараке Жылын 2024-жылы жалпы түрк дүйнөсүндө өткөрүү чечимин кабыл алды. Атактуу Барпы акындын бай мурасы түрк дүйнөсүнө таанытылат.
ТҮРКСОЙ эл аралык уюмунун
Кыргыз элинин алп акыны Барпы Алыкуловдун 140 жылдыгы алкагындагы
иш-планы:
1. Барпы Алыкуловдун Түрк дүйнөсүндөгү жылыныны ачылышы. ( Анкара. Түрксой эл аралык уюмунун штаб-квартирасында.). Февраль айы.
2. Барпы Алыкуловдун тандалма ырлар жыйныгын түрк тилинде басып чыгаруу. ( Анкара. Жыл аралыгында.)
3. Барпы Алыкуловдун чыгармалар жыйнагын казак, өзбек, түркмөн, азербайжан тилдерине которуу.
4. Барпы Алыкуловдун өмүрү жана чыгармачылыгына арналган илимий-практикалык конференциялар;
– Андижан университети,
– Түркстан Ясави университети,
– Алишер Навои университети Ташкент.
– Баласагын атындагы кыргыз улуттук университети Бишкек,
-Кыргыз улуттук илимдер академиясы. Бишкек.
-Ош мамлекеттик университет. Ош.
-Жалал-Абад мамлекеттик университети.
4. Барпы акындын туулуп өскөн мекени Сузакта Түрк дүйнөсүндөгү Барпынын Жылына карата ачылыш салтанаты.
5. Барпынын 140 жылдыгына карата эл аралык Айтыш фестивалы.
6. Барпынын 140 жылдыгына карата республикалык ашыктык ырларынын конкурсу. Барпы акындын стилинде.
7. Барпы Алыкуловдун 140 жылдыгына карата “Алтын өрөөн” эл аралык театр фестивалы. ( Фестивалга Кыргызстан, Өзбекстан, Казакстан театрлары катышат. )
8. Барпы Алыкулов жөнүндө даректүү фильм тартуу. Түрк тилинде.
9. Адабиятчы Кадыркул Даутовдун Барпы Алыкулов жөнүндө “Албан кырдуу алп акындын дүйнөсү” китебин түрк тилинде чыгаруу ( жыл аралыгында . Анкара.)
10. Улуу акын Барпы жана Ашык Вексель( Түркия) : жүрөгү менен дүйнөнү көргөн эки алп. ( Стамбул университети )



















