5-январда Ашхабаддын аэропортунда 2023-жылы августта экинчи рынокто сатып алынган Boeing 777-300 ER, самолетунун келишине байланыштуу ыр, бийдин коштоосундагы салтанаттуу иш чара болду.
ТДХ мамлекеттик маалымат агенттиги даярдаган репортажда бул 2012-жылы заводдон чыгарылган жаңы самолет буга чейин Cathay Pacific авиакомпаниясына таандык болгондугун жазат.
Түркмөнстанга биринчи бул үлгүдөгү сатылып алынган эки самолеттун биринчиси 2023-жылы декабрда алып келинген.
Алгач авиалайнерлер жүргүнчүлөргө ылайыкталып жасалган, бирок 2019-20-жылдары ( COVID-19 пандемиясы башталгандан кийин) аларды жүргүнчүлөр салонунан жүк ташуучу салонго кайра жасашкан. Бул preighter-конфигурация деп аталат.
Телерепортаждагы кадрларга караганда, «Түркмөн авиалиниясы» тарабынан бул самолеттор жүргүнчүлөрдү ташуу үчүн колдонулат. Эконом-класс орундуктарынан тышкары, самолеттордо бизнес-класс жүргүнчүлөрдү ташуу үчүн да атайын тосулган креслолор бар.
Мурда Түркмөнстан экинчи рыноктон эки Airbus A330-200P2F самолетун сатып алган. Алар алгач жүргүнчүлөрдү ташуу үчүн курулуп, кийин толугу менен жүк ташуу үчүн кайра жасалган. Учурда бул самолеттор эл аралык каттамдарда ийгиликтүү колдонулууда.



















