АКШда ар кандай окуяларга коюм кабыл алган популярдуу сайттардын колдонуучулары Россия президенти Владимир Путин менен АКШнын лидери Дональд Трамп жолугушат деген ыктымалдуулук боюнча жалпы 2 миллион долларга божомол жасашты. Бул тууралуу РИА Новости агенттиги билдирди.
Polymarket букмекердик сайты РФ жана АКШ президенттеринин Венгрияда жолугушуусуна коюм сунуштап, бул окуянын ыктымалдыгын 11% деп белгилейт. Октябрдын ортосунда журналисттер бул тууралуу алгач жазганда, эң жогорку көрсөткүч — 83% — катталган. Ошол эле учурда агрегатор жүз миңдеген долларлык коюмдарды кабыл алган. Эң активдүү коюлган коюм – так мөөнөткө байланыштуу: ноябрдын аягына чейин — дээрлик 600 миң доллар; жыл аягына чейин жолугушуу болот деген коюмдун ыктымалдыгы 16% деп бааланып, бир доллар коюм үчүн төлөм 6 доллар, жалпы кабыл алынган сумма 1,3 млн долларды түзгөн.
Маалымат агенттигинин билдирүүсү боюнча, Kalshi компаниясы лидерлер жыл аягына чейин жолугушса, салынган 100 долларды 400 долларга чейин көбөйтүүнү убада кылууда, ошондой эле сүйлөшүү өтсө да ушундай эле төлөм болот. Жалпысынан сайтта 100 миң доллардын айланасында коюм кабыл алынган. Жолугушуу же сүйлөшүүлөрдүн болушунун жалпы ыктымалдыгы 17% деп бааланууда.
13-ноябрда Кремль Владимир Путин менен Дональд Трамптын Будапештте саммити дагы эле мүмкүн экенин билдирди. Бирок Путиндин жардамчысы потенциалдуу жолугушуунун так мөөнөттөрүн атаган жок.
Буга чейин Трамп Путин менен сүйлөшүүлөрдү жокко чыгарганын билдирген.
















