АКШ 23-февралда абакта жаткан оппозицячы Алексей Навальныйдын өлүмүнө байланыштуу Россияга каршы санкцияны жарыялай тургандыгын Ак үйдүн Улуттук коопсуздук кеңешинин өкүлү Жон Кирби жарыя кылгандыгын AFP билдирди.
«Президент Жо Байдендин көрсөтмөсү менен Россияны Навальный мырзанын өлүмүнө байланыштуу жоопко тартуу үчүн ушул жуманын жума күнү санкциянын ири пакетин жарыялайбыз», – деди ал.
Байден мындан мурда Навальныйдын өлүмүнө түшүндүрмө берип жатып «аскердик кылмыш» деп атаган жана ага президент Владимир Путинди күнөөлөгөн.
Америкалык президентке 2021-жылы Женевадагы пресс-конференцияда сүйлөгөн сөзүн эске салышканда, Байден Россиянын президентин эгер Нвальный өлө турган болсо, «талкалоочу кесепеттер» тууралуу эскерткендигин айтты.
Россия президентинин пресс-катчысы Дмитрий Песков батыштык саясатчылардын мындай билдирүүлөрүн «тарбиясыздык» деп атады. Ал ошондой эле Навальныйдын өлүмүн иликтөөнүн жыйынтыгы азырынча белгисиз экендигин маалымдап, «баардык зарыл аракеттер аткарылууда»,- деди.
Ямало-Ненец автономиялуу округундагы абакта 47 жаштагы Алексей Нвальныйдын өлгөндүгү тууралуу Жазаларду аткаруу федералдык кызматынын (ЖАФК) аймактык бөлүмү 16-февралда билдирген. Харп поселогундагы «Полярный волк» колониясына ал өткөн жылы декабрда которулган.
ЖАФКдан Навальный сейилдөөдөн кийин өзүн жаман сезип, ошол замат эле акыл-эсин жоготкондугун билдирген. Көп өтпөй тез жардам экипажы чакырылып, бирок «реанимациялык иш чаралар жакшы натыйжа берген эмес».
Россияга каршы оппозициячынын өлүмүнө байланыштуу санкцияларды салууну ЕС да убада кылган. Евросоюздун дипломатиясынын жетекчиси Жозеп Боррель Навальныйдын өлүмүнүн урматына адам укугунун бузулушуна байланыштуу киргизилерин сунуштаган.















