Пентагондун кызматкерлери Пит Хегсеттин жетекчилиги астындагы мекемедеги кырдаалга нааразы болуп, башаламандык жана кадрлар менен байланышкан көйгөйлөр күчөп жатканын белгилешүүдө.
Бул тууралуу Daily Mail басылмасы аскер кызматкерлеринин да, министрликтин жарандык кызматкерлеринин да пикирлерине таянуу менен жазды.
Анонимдүү сурамжылоонун алкагында алты кызматкер мекемедеги учурдагы кырдаал тууралуу айтып беришкен. Офицерлердин бири:
«Адамдар бул жерде кандай башаламандык өкүм сүрүп жатканын түшүнүшү керек. Кырдаал начарлап баратат жана бул олуттуу нааразычылыкты жаратууда», — деп белгилеген.
Басылманын булактарынын билдиришинче, Хегсет жогорку даражалуу аскер кызматкерлерин кызматтан бошотууга, алардын кызматтык жогорулоосуна бөгөт коюуга жана ар кандай идеологияларга, анын ичинде «христиандык улутчулдукка» каршы күрөшүүгө басым жасап жатат.
Айрым аскер кызматкерлери Жакынкы Чыгыштагы АКШнын объектилери ашыкча жүктөмгө туш болуп, зарыл болгон колдоону албай жатканын да белгилешкен.
Ошондой эле жогорку даражалуу аскер кызматкерлерин массалык түрдө кызматтан бошотуу толкуну да сынга алынууда.

















