Пакистан аскерлердин акыркы чатактарынан кийин Афганистан менен болгон негизги чек ара өткөрмө пункту — Чаманды жапты. Коопсуздук максатында кабыл алынган бул чечим тууралуу «24KZ» маалымдайт. Чек ара качан ачылары азырынча белгисиз.
Ошол эле учурда качкындар оор кырдаалда калышты: жүздөгөн адамдар жүктөрү менен өткөрмө пунктунда тыгылып, анын ачылышын күтүп турушат.
Эске салсак, 5-декабрь күнү кечкисин афган-пакистан чек арасындагы ок атышууда 4 адам каза болуп, дагы 4 киши жараат алган. Тараптар кырдаалды биринчи болуп ким баштагандыгы боюнча бири-бирин айыптоодо.
Белгилей кетсек, кагылышуулар тараптар Эр-Рияддагы тынчтык сүйлөшүүлөрүнүн төртүнчү раундун өткөргөндөн бир нече күн өткөндөн кийин кайра башталды. Ал жолугушууда өлкөлөр келишимге келе алышкан эмес.



















