2023-жылдын ноябрынан 2025-жылдын октябрына чейин дүйнөдөгү 25 өлкө Израилге 21 миллион тоннадан ашык чийки мунай жана кайра иштетилген мунай продуктыларын жөнөткөн.
Бул туурасында «OilChange International» уюмунун Бразилияда өткөн БУУнун климаттын өзгөрүшү боюнча 30-конференциясынын (COP30) алкагында жарыяланган жаңы отчетунда айтылганын “Фарс Ньюс” агенттиги маалымдады.
Отчетко караганда, Азербайжан менен Казакстан Израилдин импорттогон чийки мунайынын 70%га жакынын камсыздаган.
Кайра иштетилген мунай продуктуларын экспорттоодо Россия, Грекия жана АКШ алдыңкы орундарда турат.
АКШ Израилге JP-8 аскердик авиациялык күйүүчү майын экспорттогон жалгыз мамлекет. Бул күйүүчү май согуштук учактарда колдонулат.


















