Казакстандын президенти Касым-Жомарт Токаев Түркияга расмий сапар менен келип, аны кесиптеши Режеп Тайып Эрдоган Анкарадан расмий түрдөаэропорттон өзү тосуп алды.
Бул тууралуу Anadolu агенттиги жазды.
“Түркиянын президенти Режеп Тайып Эрдоган Казакстандын президенти Касым-Жомарт Токаевди расмий түрдө тосуп алды. Анкара аэропортунун ардактуу конок залында мамлекет башчыларынын жолугушуусу болду”,- деп айтылат маалыматта.
Эрдоганды аэропорттогу аземинде Түркиянын Улуттук коргоо министри Яшар Гүлер, президенттик аппараттын коммуникация директорлугунун башчысы Бурханеттин Дуран, Анкара губернатору Васип Шахин жана башка расмий адамдар коштоп жүрүштү.
Ал эми Zakon.kz басылмасынын жазганына караганда, Касым-Жомарт Токаевдин урматына Анкаранын борбордук көчөлөрү атайын баннерлер менен кооздолгон.
“Урматтуу Касым-Жомарт Токаев мырза, Түркияга кош келиңиз!”,- деп жазылган.

Белгилей кетсек, Түркиянын президенти чет элдик лидерлерди аэропорттон жеке өзү өтө сейрек тосуп алат. Мындай ишарат конокко өзгөчө урмат көрсөтүүнүн жана көңүл буруунун белгиси болуп эсептелет.
















